في Infinity Brands بنحترم خصوصيتك. الصفحة دي بتوضح البيانات اللي بنجمعها وبنستخدمها في إيه.
البيانات اللي بنجمعها
- بيانات الطلب اللي بتكتبها في صفحة الدفع: الاسم، رقم الموبايل، العنوان والمحافظة، والإيميل لو كتبته.
- محتويات السلة والطلبات اللي عملتها على الموقع.
بنستخدمها في إيه
- تجهيز طلبك وتأكيده معاك وتوصيله، وبنشارك بيانات التوصيل اللازمة بس مع شركة الشحن.
- التواصل معاك بخصوص طلبك على الموبايل أو واتساب أو الإيميل.
- إصدار فاتورة الطلب.
الدفع
الدفع بيكون كاش عند الاستلام أو بتحويل إنستاباي، والموقع مش بيطلب ولا بيحفظ أي بيانات كروت بنكية.
الكوكيز وأدوات القياس
- الموقع بيستخدم كوكيز أساسية عشان يشتغل، زي حفظ السلة واللغة اللي اخترتها.
- بنستخدم أدوات قياس من Meta (فيسبوك وإنستجرام)، زي Meta Pixel و Conversions API، عشان نعرف أداء إعلاناتنا ونعرض إعلانات مناسبة. الأدوات دي ممكن تسجل زياراتك للصفحات وإضافة المنتجات للسلة وإتمام الطلبات.
- تقدر تتحكم في الإعلانات اللي بتظهرلك من إعدادات الإعلانات في حسابك على فيسبوك أو إنستجرام، أو تمسح الكوكيز من المتصفح.
حقوقك
لو عايز تعرف البيانات المحفوظة عنك، أو تعدّلها أو تطلب مسحها، كلّمنا واتساب على 01284176477 أو على الإيميل sales@infinitybrandseg.com.